Äöpeningsaksje Mediamarkt zörg veur chaos en leid
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 12 oktoeaber 2019 - In Leidschendam haet me stónderdigs smörges e nuuj filjaal gäöpendj vanne Mediamarkt; hiebie zeen mieëder luuj verlets wore. Dees luuj komen aaf op 'n speciaal äöpeningsaksje van 't bedrief. Dore groeaten toeloup raakdje zie inne verdrökking bieje hègkskes anen ingank.
De ieëste hóngerd luuj die binne kóste kómmen inne nuje koupsjóp krege draodloeas geluidsuuerkes mit 'n waerd van 115 euro. Dees aksje haw väöl beluips, went e deil luuj stóngen al middernachs oppe straot te wachte. Gans biejein zówwe hóngerde luuj dao zeen gewaes. Wie me de deuren aopdieëj kwaam 't vouk in 't gedrank; hebie woorte mieëder luuj lichtelik verlets; e deil luuj woort neet tegooj vanne drökdje. Oppe plaats kóste zie nag waere behanjeldj door krankewagepersonieël.
't Is 't twieëdje verkieërdj geloupe veurval bieje Mediamarkt in twieë daag tied. Gister komen e paar hóngerd jóngere nao de Mediamarkt in Antjwerpe wo zie 'n groeate revaasj aanrichdje. Dao zów eine Josylvio, 'ne Nederlandjse rapper, handjteikeninge gaon zètte, meh doordet 't zoea drök waas kós det geinen doorgank vinje. Veur väöl jóngere waas det 'n raeje de zaak te verinnewere.
Brón
bewirk
Dit artikel besleit aad nuujs en maak deil oet van oos arsjief van nuujsberichte.