Èllef aanhajinge nao hooligangeweldj Genk
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
19 jannewarie 2019 - Vriedigaovendj is 'n voetbalwèdstried tösse KRC Genk en Sintruin aafgeloupe in 'ne chaos. Supporters van Sintruin goeadje same mit aanhengers van MVV Mestreech mit stein nao de supportersbusse van Genk.
De geweldjplieëgers wachdje de vief busse op nao de nederlaog van Sintruin, de club womit zie sympathiseerdje, en begóste toe mit 't steinige van de verveursmiddele. Ze droge bivaksmötsje en pakdje zich de straotklinkers die dao loge veur wirkzaamheje. Hiebie sneuveldje e deil roeten en lepen e paar inzittendje verwónjinge op. E deil van de busse waas dusdanig besjajig det 't nimmieë kós doorvare.
Gans biejein zówwe zoea hóngerd hooligans hiebue betróch zeen. Èllef luuj van dees steingoeajers zeen aangehaje gewore. Ónbekindj is nag of hie Mestreechtenere zich ónger bevinje.
De wèdstried stóng al te book es 'ne risicovollen derby. Me haw al zoea hóngerd pliessemen oppe bein staon veur 't val det 't oete handj zów loupe.
Brónne
bewirk- Elf aanhoudingen na bekogelen bussen Genk. 1limburg, 19 jannewarie 2019
- 'Maastrichtse hooligans bekogelen bussen na Belgische derby'. Deborah Parren - 1limburg, 19 jannewarie 2019
Dit artikel besleit aad nuujs en maak deil oet van oos arsjief van nuujsberichte.