Óndanks lès, tiedeliek oetstèl is Troy Anthony Davis geëxecuteerd gewaore

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

goonsdig, september 21, 2011

Trök nao de veurpagina
spelling: Hoeaglèmbörgsj - Durchzettingssp. - Internasjonalspelling

Óndanks internationale kritiek, proteste en e tiedelik oetstèl van e paar oer, is Troy Anthony Davis geëxecuteerd gewaoren óm 11:08 pm EDT (3:08 am GMT).

De geplandje executie van Troy Davis woor tiedelik oetgestèldj door 't Hoeager Gerèchshof vanne Vereinigdje State van Amerika (Supre Court). Davis zów róndj 7 pm EDT (11 pm GMT) 'n doeajlike injectie kriege inne Diagnostische en Classificatiestaatsgevangenis van Georgia in Butts County, Georgia. Hae waar in 1991 sjöljig bevónje veure moeardj in Savannah, Georgia, óp 19 augustus, 1989 wobie Mark Allen MacPhail, 'nen oetdeenstelike poliesofficeer óm 't laeve koom.

Davis bleef zienen ónsjöldj vashaje, zelfs inne doeadskamer: "Ich bön neet degene dae perseunlik diene zoon, diene vader, dienen broor haet vermoeardj. Ich bön ónsjöljig... Veur die die mien laeven aaf wille nömme, moge God genäöj euver eur herte höbbe. En moge God eur zele zaengene."

De datum van Davis zien executie waar al drie kieër ieëder verzat gewaore, mer verblieve ware bestèldj naodet versjèllendje gerèchterlike aanklachte, ouch taenge de Supreme Court, ingedeendj ware. Óp dónderdig weigerdje de palaverdeens van George óm clemensie aan Davis te verlieëne.

Proteste en vólksgerichte höbbe zowaal in Georgia es de rès vanne werreld zich aafgespeeldj. Boete de gevangenis wore antidoeadstraofcampagneveurders 'nt baeje, zich de henj vas 'nt hajen en hadde ze protesborde bie zich. De campagne woort dore Nationale Associatie veur de Verbaetering van Zwarte Luuj en Amnesty International óngersteundj. Boete de gevangenis zag dominee Al Sharpton taenge de luuj die dao stinge: "Waat noe venaovendj geit gebäöre is 'n executie, mer neet allein 't ligkchaom van Troy Davis, mer ouch de geis van 't rech inne staat Georgia."

Davis zien zöster, Martina Correia, zag veur Davis zien femielje: "Eder jaor is t'r mieër en mieë te twiefele, meh nag steeds duujdj de staat veur 'n executie."

d'r Waar net boeten 't Wit Hoes e protes door studente vanne Howard Universiteit, 'ne universiteit in Washington DC wo traditioneel gezeen veurnamelik zwarte haergaon. Amnesty International waar ouch van plan óm proteste te make veur de ambassaad vanne VS in Paries en 'ne pseudorel veur de ambassaad vanne VS in Lónje.

De Britse, Pruse, Franse, Belzje, Ierse en Greun Consulate-Generaals in Attelanta issueerdje tezame e standjpöntj en besjreve "èrnstige en compellerendje twiefels" róndj 't bewies vanne rechzaak van Davis en vroge óm "zien executie zoea snel wie meugelik oet te stellen of aaf te sjrappe." De Europese Raod vroog de VS ouch óm "'ne meneer te vinjen óm 't laeve van Troy Davis te spare" vanwaege "èrnstige twiefels euvere integriteit van 't oeardeil die helnakkig ware."

Spencer Lawton, de aaje prosecutäör van Chatham County, Georgia, deiltj de twiefels neet mitte protestante. Hae zag dónderdig taenge CNN det Davis zien defensie neet berös óp substantief bewies: "'t Is al kónstant e speel van oetstèlle gewaes van begins 'f aan. Wie lenger me-n oetstèltj, wie mieë tied 't guuef óm geine twiefel, geinen ieërelike twiefel, geine waore twiefel, mer de sjien van twiefel te creëre." Joan MacPhail-Harris, de weduwe vanne vermoeardje officeer, stömp daomit in end zaet det Davis "al mieër es zat tied gekregen haet óm zien ónsjöldj te kinne bewieze", mer det haet t'r nag ömmer neet gedaon.

Brónne

"Troy Davis maintains innocence in final words" — Forbes, September 21, 2011
Colleen Curry. "Troy Davis Executed After Stay Denied by Supreme Court" — ABC News, September 21, 2011
Melanie Eversley and Larry Copeland. "Troy Davis execution delayed" — USA Today, September 21, 2011
Mallory Simon, Henry Hanks, Jason Hanna. "Georgia Supreme Court declines to stay Troy Davis execution" — CNN This Just In blog, September 21, 2011
Greg Bluestein. "Ga inmate's execution nears; protests worldwide" — Atlanta Journal-Constitution, Septmeber 21, 2011
Bill Rankin. "As clock ticks toward Davis' execution, judge declines to issue stay" — Atlanta Journal-Constitution, September 21, 2011
Ed Pilkington. "Troy Davis execution set to go ahead as judge rejects last-ditch appeal" — The Guardian, September 21, 2011
"Press Statement on the case of Mr Troy Davis" — British Embassy, Washington, September 21, 2011
"Council of Europe calls for halt to Davis execution" — Hurriyet Daily News, September 21, 2011
Mallory Simon. "Prosecutor says he has no doubt about Troy Davis' guilt" — CNN This Just In blog, September 20, 2011