Óppernuuds e stèrk jaor veur DSM

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

29 fibberwarie 2012 - DSM haet e stèrk jaor achtere rögk. Zónger einmaolige mitvallers steeg de wins mit 12 percent toet 615 miljoen euro. Euver 't loupendj jaor is DSM "verzichtig optimistisch". Besteursveurzitter Fijke Sijbesma is zich bewös vanme risico's vanne economische crisis, mer hae vertroewtj op 't conjunctuurbestenjig pakket van DSM-perdukter: "Weer zeen ós d'rvan bewös det t'r nag ömmer risico's blieve bestaon t'n aanzeen vanne werreldwiej macro-economische veuroetzichte en det Europa en inkel van oos eindjmerte, vral de boew, zwaakdjes blieve vertoeane."

Same mit de aanwaezigheid in snelgreujendje economieë, wie China, en de stèrke balans dink d'n DSM-toepmiensj det 't concern 's good veur steit óm de financieel doelstèllinge te bereike. DSM guuef gein kónkrieëte winsveurspèlling veur dit jaor. 't Bedrief verwaart det de twieëdje haelf van 't jaor stèrker zal zeen es de ieëste haelf. Wiejoet de meiste wins maakdje DSM vörg jaor mit zien vitaminedivisie. d'n Totalen ómzatj noom mit 11 percent toe en koom oet op 9 miljard euro. De nettowins steeg zèlfs mit 61 percent toet 814 miljoen euro, meh det koom vral dórch inkel einmaolige mitvallers die 200 miljoen euro opleverdje. Óm 't optimisme te benaodrókke, verhuueg DSM de winsoetkieëring mit 10 cent. 't Dividentj kump daomit op 1,45 euro per aandeil.

Dit artikel besleit aad nuujs en maak deil oet van oos arsjief van nuujsberichte.