28-jäörige Zjwaedse elektro-dancemeziekant Avicii sjtörf in Oman

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Dit artikel sjteit gesjreve in 't AGL
Avicii in 2014

24 april 2018 - Op vriedig in de naomiddig is de Zjwaedse elektro-dancemeziekant Tim Bergling, baeter bekènd as Avicii, doed gevónde in de Omanse huidsjtad Muscat, nao boete gebrach door publicis Diana Baron. Baron haet neet de oerzaak van de doed van Bergling aangegaeve in 't statement en voogde toe: "De familie is d'r kapot van en weer vraoge edereine óm estebleef de beheufte aan privacy te respectere in deze lestigen tied." Bergling waor 28 jaor awd.

Gebaore op 8 september 1989 in de Zjwaedse huidsjtad Stockholm, Bergling brach zienen ierste single oet in 2007. Ziene single Levels, oetgebrach in 2011, óntving 'n nominatie veur 'ne Grammy Award. Hae brach zien debuutalbum True in 2013 oet; singles van True bevatde Hey Brother en Wake Me Up. In oktober 2015 brach hae zien twiede album Stories oet. Bergling haet de American Music Awards, Billboard Music Awards en MTV Europe Music Awards gewonne. Hae óntving de twiede Grammy-nominatie veur Sunshine, woebie hae samewèrkde mit David Guetta.

In 2014 wèrkde Bergling same mit Carlos Santana en Wyclef Jean óm We Will Find a Way oet te bringe, ein van de voukslejer van det jaor FIFA Men's football World Cup in Brazilië. In miert 2014 kwaam Bergling terech in 't hospitaal. Hae had 'n operatie óm ziene galblaos d'roet te haole en det jaor ouch ziene blènjen derm. Daoveur had hae al in 2012 'n alvleisjkleeróntsjtaeking. Hae gaaf aan begin 2016 te sjtoppe mit róndj te toere, naodet hae op 't Ultra Music Festival optraejde.

Sjpraekentaere mit 't Billboard-tiedsjrif zag Berglien te sjtoppe mit toere vanwaege gezóndjheidsprobleme. Hae voogde toe: "De scène waor niks veur mich. 't Waore neet de shows en neet de meziek. 't Waor altied 't anger gerei róndjóm det det noets natuurlik nao mich kwaam [...] Ich bön in 't algemein mier 'nen introverte persoen. 't Waor altied hiel zjwaor veur mich. Ich naam mich te väöl negatieve enerzjie op de haws, dink ich."

In zien twelfjaorige carrière wèrkde Bergling same mit Madonna, David Guetta, Jon Bon Jovi, Rita Ora, Coldplay, Aloe Blacc en Robbie Williams. Bergling had róndj de èlf miljard streams op 't meziekstreaming platform Spotify. Bergling brach ziene lèsten EP genaamp AVĪCI (01) in 2017 oet, welke recèntelik waor genomineerd veur 'n Billboard Award.

In 'n interview mit VEVO Lift lag Bergling oet euver ziene stagenaam, zègkentaere: "de naam Avici beteikent 't liegste niveau van de Boeddhistischen hel". Hae zag det hae 'n extra 'i' toevoogde sins iemes angers dao waor dae dae naam gebroekde op MySpace.

Nao Bergling zien doed tweetde de popzengeres Madonna: "So Sad....... So Tragic. Good Bye Dear Sweet Tim. 💙 Gone too Soon."


Brónne bewirk

Gooddeils gegrundj op 't corresponderend artikel op de Ingelse Wikinuujs, mit es huidbrónne:



Dit artikel besleit aad nuujs en maak deil oet van oos arsjief van nuujsberichte.