A73 inne zomer deils toe door wirkzaamheje

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 20 junie 2018 - 't Limbörgs deil vanne A73 geit de kómmendje zomer döchtig oppe sjöp.

Riekswaterstaot geit groeat óngerhaad oetveuren aan 't asfaltj op twieë stökker vanne snelwaeg. Daoveur zeen deiler vanne A73 mieëdere waekènj in julie toe. In augustus geit e deil vanne waeg zelfs 'n ganse waek op slaot.

De wirkzaamheje beginne t'r huuegdje van knouppuntj Tiglia bie Vinlo. Hiedoor is de A73 van vriedig 6 julie óm 21:00 oere toet maondig 9 julie óm 05:00 oere en van vriedig 13 julie óm 21:00 oere toet maondig 16 julie óm 05:00 oere toe tösse Belvendj en knouppuntj Tiglia, inne richting van Nimwaege. Op dees memènte is ouch de A74 tösse Kaldekirke en 't knouppuntj Tiglia aafgeslaote.

LAter geit ouch de waeg róntjelóm Remunj toe. Van vriedig 20 julie óm 21:00 oere toet maondig 23 julie óm 05:00 oere is de A73 tösse knouppuntj 't Vónderen en Remunj toe inne richting van Vinlo.

Van vriedig 27 julie óm 21:00 oere toet goonsdig 1 augustus óm 05:00 oere is de A73 tösse knouppuntj 't Vónderen en Remunj-Oeas aafgeslaote, ouch inne richting van Vinlo.

Ouch inne zujelike richting wuuertj óngerhaad oetgeveurdj ane A73 tösse Remunj en knouppuntj 't Vóndere. Hieróm is de waeg veur 'n waek lang aafgeslaote, van maondig 6 augustus toet maondig 13 augustus.

't Verkieër wuuertj tiejes de wirkzaamhejen ómgelèdj. d'n Extra reistied kan oploupe toet 'n haaf oer.

Brón bewirk



Dit artikel besleit aad nuujs en maak deil oet van oos arsjief van nuujsberichte.