Aafvalverwirker mót bao 270.000 euro trögkbetale

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 15 mei 2018 - Twieë bestuurders van 't intösse failliet aafvalverwirkingsbedrief Milieu Service Zuid (MSZ) mótten e bedraag van 269.946 euro trögkbetalen ane Staot, es 't anen offeceer van zjuustiesje ligk.

Aafgeloupe maondig eisjdje zjuustiesje inne rechbank van De Bós det de manskaerel en 't vrouwmis 't bedraag móste trögkbetale, went zie höbbe dit verkregen oet krimineel aktiviteite.

't Twieëtaal, 'ne zevenenvieftigjäörige manskaerel en e viefenvieftigjäörig vrouwmis, zów bie 't aafvalverwirkingersbedrief in Brach doezjende tónne mieër aafval höbben opgeslagen es volges de vergónning waas toegestange. Dit veur te besparen oppe aafveurköste. Zjuustiesje is van meining det 't bedrief hie-oet e financieel veurdeil haet gehaoldj - 'n wins van 269.946 euro, en dit bedraag mót waere trögkbetaaldj ane Staot.

Daonaeve zów 't twieëtaal door 't euversjrieje vanne vergónning de ómgaeving in gevaor höbbe gebrach. In 2015 woort 'ne breuj, 'n verhuuegdje temperatuur, vasgestèldj in 'nen aafvalberg op 't terrein. De gemèndje Maasgoew haet toe oet veiligheidsraejene tieën miljoen kilo aafval eweggehaoldj.

Naeven 't betale van 't geldjbedraag eisj zjuustiesje taenge de twieë bestuurders ouch 'n wirkstraof van 240 oer en 'n veurwaerdelike gevangenisstraof van drie maondj mit daobie 'ne prooftied van twieë jaor.

De richter duit achter twieë waeken oetspraok in deze zaak.



Dit artikel besleit aad nuujs en maak deil oet van oos arsjief van nuujsberichte.