Aansjlaag tiedes milletaer peraad in Iraan; ambassedäörs ter verantjwäörding gerope
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
23 september 2018 - Biej 'nen aansjlaag in Ahvas, 'n sjtad in 't zuudweste van Iraan (provins Khoezistan), zeen zeker 25 doeje en 60 gewónje gevalle. Dit gebäörde tiedes 'n milletaer peraad, en ónger de sjlachoffers zeen zoewaal milletaere es gewoen börgers. De veer aanvallers reje op brómfitsje en wore vermómp es milletaere. Twie van häör zouwe zeen gedoed gewaore; de anger twie zeen gevangegenómme gewaore. D'n aansjlaag begós róndj 09:00 plaatsjeliken tied en doerde óngevier teen minuut.
De verantjwäördelikheid veur d'n aansjlaag is opgeëisj gewaore door zoewaal Ahvaz National Resistance ('n separatistische Arabische bewaeging in Iraan) es door d'n Islamitische Sjtaot via hun presburo Amaq. Gein van de beij groeperinge haet aevel bewies gelieverd.
Nao aanleijing van d'n aansjlaag reup de Iraanse regering de ambassedeäörs van Nederlandj en Denemarke en de zaakgelestigde van 't Vereinig Keuninkriek op 't metje. Dees lenj waere daovan besjöldig sjtäön te beije aan de Iraanse oppositiegroepe.
Brónne bewirk
- Veel doden bij aanslag op militaire parade Iran. NOS Nieuws, 23 september 2018
- Iran roept Nederlandse ambassadeur op het matje vanwege aanslag. NOS Nieuws, 22 september 2019
- Attack on Military Parade in Iran Kills at Least 25. Richard Pérez-Peña - New York Times, 22 september 2018
- Iran military parade attacked by gunmen in Ahvaz. British Broadcatsing Corporation, 22 september 2018
Dit artikel besleit aad nuujs en maak deil oet van oos arsjief van nuujsberichte.