Aantal besjmettinge sjtieg mèt 1270, veur 't iers saer april baove signaalwaerde
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
't Aantal vasgesjtelde coronabesjmettinge sjtieg vriedig mèt 1270. Det kump naer op 7,3 positief getesde luuj op edere 100.000 inwoeners.
Veur 't iers saer 17 april kump 't aantal besjmettinge baove de zoegeheite signaalwaerde oet. Det ciefer is 'n saort alarmbel die de euverheid haet ingesjtèld. Es 't aantal besjmettinge oetkump baove de 7 per 100.000 inwoeners zeen missjien extra maotregele nudig.
Op goonsdig meldde 't coronadashboard vanne euverheid 1140 nuuj gevalle. Det waor de ierste kier saer april det 't dageliks ciefer baove de doezend oetkoom. In de aafgeloupe zeve daag zeen bekans 6600 nuuj gevalle geregistreerd.
De regio Haaglanden tèlde de meiste nuuj gevalle. 't Virus woort in Den Haag en ómgaeving 222 kier vasgesjtèld. Dao-ónger zeen 123 gevalle in Den Haag zelf, 28 in Delf en 21 in Zoetermeer. 't Aantal besjmettinge in Amsterdam en ómgaeving sjteeg mit 209, woe-ónger 186 in Amsterdam zelf. In Rotterdam-Rijnmond kome 172 nuuj gevalle aan 't leech.
Brónne
bewirk- Aantal besmettingen stijgt met 1270, voor het eerst sinds april boven signaalwaarde. Dagblad De Limburger, 11 september 2020
- De officieel ciefers oppe website vanne Riekseuverheid
- Live kaart: Bekijk hier het aantal besmettingen van het coronavirus in Limburg en de wereld. Joris Peeters, Dagblad De Limburger - 11 september 2020
Dit artikel besleit aad nuujs en maak deil oet van oos arsjief van nuujsberichte.