Aantal coronabesjmettinge in Limburg blief gesjtaag oploupe
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel is gesjreve in 't AGL.
't Aantal Limburgers det positief is getes op corona is de aafgeloupe waek opnuuj gesjtege. 143 luuj bleke besjmete mèt 't virus. Veur 't iers in langeren tied is zaoterdig ouch weer emes door corona gesjtorve. 't Geit óm 'nen inwoener vanne gemeinte Maasgoew.
5.475 luuj mèt koorts- of greepechtige klachte kwame tösse maondig 17 en en zóndig 23 augustus nao de tessjtraote van de bei Limburgse GGD's. Det zien 865 luuj mier es de waek daoveur. In Zuud-Limburg tesde 67 luuj positief, in Noord- en Midde-Limburg 76. De 143 besjmettinge zien 'n sjtieging van bekans 30 percent ten opzichte vanne waek daoveur; doe woorte nog 111 besjmettinge getèld.
Gennep
Opvallend inne ciefers van Noord-Limburg is 't rilletief groete aantal nuuj besjmettinge inne gemeinte Gennep. De aafgeloupe waek testde 15 inwoeners positief op 't virus. 'n Waordveurster vanne Veiligheidsregio Limburg-Noord wool maondigmiddig neet sjpeculere euver 'n brón en of 't missjien e verbandj gief mèt 'n nertsefokkerie in 't dörp Ottersum, woe veurige waek zóndig bieste besjmet bleke. "'t Óngerzeuk löp nog".
Bezörg
Nao 'ne zomer mèt rilletief wienig besjmettinge is inmiddels ouch in Limburg sjprake van een veurzichtig sjtiegende lien. 't Is de derde waek op rie det 't aantal besjmettinge sjtieg. Wiewaal de ciefers nog 'n sjtök kleinder zien wie in Rotterdam of Amsterdam, tuint Volker Hackert - arts-infectiekrenkdes bieje GGD Zuud-Limburg - zich bezörg. Veural ómdet binne de groop luuj die zich meld veur 'nen tes 't percentage besjmettinge sjtieg. "Dizze zomer zote v'r langen tied ruum ónger 1 percent, zelfs aeve op 0,5. Noe is 't bie ós gesjtege toet 2 percent en in Noord-Limburg sjteit 't op 3,7." Hackert veurzuut veur de kómmende waeke 'n wiejer sjtieging. "V'r mótte éch alert blieve."
Sjtudente
De GGD Zuud-Limburge äöpende veurige waek maondig 'n twiede tiedelike tessjtraot in Mestreech; bie 't MECC. Daomèt anticipeerde de gezóndjheidsdeens op 't begin van 't nuuj collegejaor en d'n toesjtruim van nuuj sjtudente; ónger waem 'nen houp boetelenders. Op dees locatie melde zich op maondig, dinsdig en goonsdig in totaal 1.125 luuj mèt klachte. Groetedeils sjtudente. Sjlechs twie van häör - volges Hackert gein sjtudente - bleke inderdaad besjmet te zien.
Oetbreijing
De GGD Limburg-Noord kiek waal nao locaties veur meugelik naeve Venlo 'n twiede 'coronasjtraot' te äöpene, "mer veurluipig kènne v'r 't in eder geval qua capaciteit nog aan", aldusse waordveurster.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.