Aantal doeje door COVID-19 in Limburg noe 19, veural in Venlo väöl nuuj besjmettinge
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
Saer goonsdig zien in Nederlandj 409 nuuj patiënte mèt 't coronavirus vasgesjteld. 't Totaal sjteit noe op 2460 positief getesde persoene. Oonder häör zien 594 luuj die inne zörg wèrke, meldt 't RIVM. In de aafgeloupe 24 oer zien 76 luuj gehiemeld ane krenkde, van waem 19 in Limburg. De laeftied van de gehiemelde ligke tösse de 63 en 95 jaore. In totaal zien 489 patiënte opgenaome (gewees) in 't krankehoes. De meiste positief getesde luuj gief 't inne pervincie Noord-Braobant, namelik 870 persoene. Daonao zien de meiste positief getesde luuj gemeld in Zuud-Hollandj (312) en Limburg (301).
Inne pervincie Limburg sjteeg 't aantal besjmettinge mèt 30. Veural in Venlo is sjprake van 'n hel sjtieging, van twelf nao 21 gevalle. In Remunj sjteeg 't aantal van zès nao daarteen. Ouch in Piel en Maas (+5). Hors (+2), Venraoj (+2), Maasgoew (+1), Mesjtreech (+1) en Haerle (+1) sjteeg 't aantal besjmettinge. Inne gemeinte Mook en Middelaar is noe ouch veure ierste kier 'n besjmetting vasgesjteld gewaore. Allein de gemeintes Bezel, Vols en Wiert höbbe nog gein officieel vasgesjtelde besjmettinge.
Natuurlik gief 't inmiddels ouch väöl luuj die nao 'n coronabesjmetting weer völlig zien geneze. Dit ciefer weurt aevel neet biegehaje dore GGD of 't RIVM.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.