Aerssjóddel Noeardj-Italië rich väöl kulturieël sjaaj aan
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
'nen Aerssjóddel haet in Noeardj-Italië väöl sjaaj aangerich bie geboewer van kulturieël waerdj. d'n Aerssjóddel van 6.1 oppe sjaal van Richter 36 km te noearje vanne stad Belónje inne Noeardj-Italiaansje regio Emilië-Romanje en boort op 20 mei óm 4:03. 't Epicentrum laag tösje Finale Emilia en San Felice sul Panaro. 't Goof e versjied aan naosjókke wovan twieë nag 5.2 oppe sjaal van Richter mote. Zeve luuj zeen ómgekómme, wovan 's veer inne zèlfdje febriek wirkdje. Ouch zeen väöl middelieëfsje geboewer besjajig ór törstórtj es gevólg van zwaor sjókke. De toeares van 't Estensekestieël, 'n ómgrach middelieëfsj geboew in 't centrum van Ferrara, is besjajig en 'nen angere middelieëfsjen toeare oete dèrtieëndjen ieëf, d'n torre-modinese in Finale Emilia, is gans törstórtj. 5.000 luuj zeen daakloeas gewaore.
Dit artikel besleit aad nuujs en maak deil oet van oos arsjief van nuujsberichte.