Äöpen houfmenu

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De 480 supermerts vannen Aldi in Nederlandj gaon ouch A-mirker verkoupe. 't Pruusj bedrief bevèstig taengeneuver de NOS det 't bedrief zich "noesjeid heroriënteertj en kiek wèlch A-mirkperdukter in aanmirking kómme veur introduksje". Woróm d'n Aldi deze drastische koersverangering wiltj dórchveure, wól 't bedrief neet toeleechte. Volges Laurens Sloot, hoeaglieërer van detailhanjelmanagement ane Rieksuniversiteit in Greuninge, verluus d'n Aldi al twieë jaor klenj. 't Mertaandeil is gezak van 9 nao 8 percent, dewiel de grótste concurrent, Lidl, juus 'n positief óntwikkeling dórchmaak. "d'n Aldi steit stèl. Ze mótte noe dus waal 't assortimentj kómplieëter make, de sjóppe mieër aankleien en moderniseren óm neet nag mieë terrein te verlere." Mertóngerzeuker GfK mirk det A-mirkfabrikantje groeate interesse höbbe in verkoup bieje Aldi. GfK-direktäör Joop Holla zag: "Weer kriege regelmaotig fabrikantje ane lien die daoreuver vraoge höbbe. De mós neet vergaete det 60 percent vanne hoeshajes bieje Aldi enne Lidl euvere vloer kómme. Dus es dien perdukter ouch dao op 't sjaap ligk, den kins se dienen ómzatj behuuerlik vergruuete."



Dit artikel besleit aad nuujs.