Anticorruptiewèt wakkert proteste in Jordanië aan
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
zaoterdig, oktober 1, 2011
Trök nao de veurpagina
spelling: Hoeaglèmbörgsj - Durchzettingssp. - Internasjonalspelling
Bao veerdoezjendj luuj protesteerdje in Amman, Jordanië, aafgeloupe vriedrif nao 'ne kalkwèt taenge corruptie dore Jordaans lieëghoes van 't parlement woor geaccepteerdj. Volges de wèt waere die die publiekelik angere van corruptie besjöldige zónger bewies vervolg en kriege ze 'n boete.
De wèt waar door 56 taenge 40 stömme aangenómmen op 27 september en zal noe nao 't hoeagerhoes gaon veur 'n stömming veurdet 't nao de Keuning geit veur de formaliteite.
Artikel 23 van deze kalkwèt zaet det "ederein dae of eder groep die publiekelik of expliciteit anger luuj besjöldig van corruptie zónger hel feite mit 't doel van extortie, sjanjele of diffamatie en karakterdoead" krieg 'n boete van tösje de 30.000 en 60.000 Jordaanse dinars.
't Artikel is verdoemp dore Arabaisch nitwirk veur mienserèchteinformatie (ANHRI), advekaote, journaliste en angere.
"De aanname van dit artikel door 't parlement wuuertj neet gezeen es 'nen aanval óppe vrieheid van meiningsoeting en plaoge van journaliste, mer 't is ouch 'n euvertraeje vanne börgerrèchte euver 't circulere van corruptieinformatie, die gedeildj mótte waere mit publieke meining es 't alle klasse van luuj drek aangeit," aldus de ANHRI.
't Committee veure Besjörming van Journaliste in t Midden-Oeaste en Noeardj-Afrika ziene co-ordinator, Mohamed Abdel Dayem, zag det de wèt de regieëring zów besjörme van publieke terèchte klachte.
"Es 't doorgeit zal de anticorruptiewèt stèrke restricties ligken óppe meugelikheje van journaliste óm corruptie aan te kaarte," zag t'r.
Aafgevaerdigdje Khalil Attieh vindj de wèt good en zag: "'t Is 'n preventieve maotregel taenge luuj die angere van corruptie wille besjöldige. 't Vèch taenge leuges en valsje aanklachte en duujtj gein restricties óppe persvrieheid."
De kalkwèt is 'ne stap trögk veure Jordaniërs die saer vruueg jannewarie protestere en vraoge veur hèrvórminge ómme corruptie te beènjige.
Brónne
bewirk- "Jordan's anti-corruption bill would restrict press" — Committee to Protect Journalists, 30 September, 2011
- "Parliament criminalises reporting on corruption" — Ammon News, 29 September, 2011
- "Jordanians call for resignation of PM" — Press TV, 28 September, 2011
- "Jordan journalists protest anti-corruption bill" — Khaleej Times Online, 28 September, 2011
Dit artikel besleit aad nuujs en maak deil oet van oos arsjief van nuujsberichte.