Appartemèntecomplex in Magnitogorsk vèlt inein; teentalle luuj vermis
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
31 december 2018 - Vandaag is 'n appartemèntecomplex in Magnitogorsk, 'n sjtad in d'n Oeral-regio van Róslandj, ineingevalle. Waorsjienlik leide e gaaslaek tót 'n óntplóffing, woedoor 't geboew van nege verdepinge hoeg ómliegkwaam. Minstes veer luuj zeen doedgebleve en teentalle waere nog vermis.
In 't geboew oet 1973 woonde mier es 1.000 luuj; 48 appartemènte waerde besjadig. Rèddingswèrkers, die in -18 °C móste wèrke, höbbe volges de hölpdeenste zeker teen euverlaevende oet de puin gehaold. 't Geboew is geëvacueerd gewaore. Mier es 1.000 reddingswèrkers zeen dao biej de rampplaats.
't Óngerzeukscommittee geluif det gaas, det geregeld vriejkump in Róslandj, de raeje waas veur de ramp dae gebeurde róndj 6:00 oere lokalen tied doe väöl luuj nog loge te sjlaope. Prizzedènt Vladimir Poetin is ingelich gewaore en nao Magnitogorsk gevlaoge; hae euverkiek de reddingsoperasie en bezeuk de gewónje die in 't krankehoes ligke. Biej 'n aafsjpraok waerde 'm door de Minister van Noedzake, Yevgeny Zinichev, vertèld euver "dènkelik tösje de 36 en 40 luuj ónger 't puin", terwiel de regionalen Aafgevaerdigde Goevernäör, Oleg Klimov, haet aangegaeve det 68 luuj waere vermis.
De Minister van Gezóndjheid, Veronika Skvortsova, haet aangegaeve det de euverlaevingskans van die luuj die nog vaszitte aafnump.
Brónne
bewirk- Russia apartment explosion: At least four dead and 68 missing after tower block collapses. Patrick Grafton-Green - The Evening Standard, 31 december 2018
- Russia: Dozens missing after deadly apartment collapse. al-Jazeera, 31 december 2018
- Four dead, dozens trapped under rubble after Russian gas blast: agencies. Vladimir Soldatkin, Gabrielle Tétrault-Farber, Richard Balmforth & Robin Pomeroy - Reuters, 31 december 2018
Dit artikel besleit aad nuujs en maak deil oet van oos arsjief van nuujsberichte.