Börgemeister Mestreech: handhave meujelek mèt vastelaovend
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Mestreech - Börgemeister van Mestreech Annemarie Penn-te Strake meint dat de geldende coronamaotregele meugelek veur e groet probleem goon zörge mèt de vastelaovesdaag. Dat heet ze maondaagaovend nao de bijeinkoms van 't veiligheidsberaod gezag.
"Iech kin miech good veurstèlle dat dee anderhave meter nog neet aofkint. Daan höbbe v'r ech e hiel groet probleem in 't zuie", zeet Penn-te Strake.
Volges de Mestreechse börgemeister weurt de handhaving vaan 't carnevalsfies lesteg doordat de aofstandsregel woersjijnelek neet genóg in ach zal weure genome. "Me kint minse neet verbeeje e pekske aon te trèkke of thoes e drenkske te dreenke," zeet ze nao die bijeinkoms.
Ouch aander börgemeisters vaan vastelaovesstei, wie Eindhove en Nijmege, geve nao 't beraod aon hun hart vas te hawwe veur 't aonkoumende fies. Daobij speule ouch de huidege sletingstije vaan horeca 'ne rol. Mierder börgemeisters veende 't OMT-advies dat de sector um 20:00 oor touw moot te rizjide.
Later dees week volg e euverlègk euver vastelaovend mèt de ministers en e aontal regio's boe vastelaovend geveerd weurt.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.