Börgemeister van Stein: 'Dit zeen gewoan moodwillige relle, veroerzaak door vreigelaers'
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Stein - 24 jannewarie 2021, de pelissie haet veerteen luuj aangehawwe in verbanbj mit 't euvertreije van de aovendjklok zaoterdigaovend in Stein. Börgemeister Marion Leur-Mordang: 'Dit zeen gewoan moodwillige relle, veroerzaak door vreigelaers'. Volges de pelissie kjèrde zaoterdigaovend róndj middernach de rös truuk in Stein. Jèder daen aovend verzamelde zich dao 'ne grwoate groep jóng luuj die via sociaal media einanger höbbe opgerope bie-ein te kómme, meziek te make en alcohol te dreenke. De ME woort ingezat veur de groep te splietse en deveur te zörge dat de situatie weer röstig woort en de aovendjklok woort opgevolg. In totaal woorte veertjèn luuj aangehawwe, mae de pelissie slut neet oet dat dat mjè weure.
Vanaaf 19.00 oer verzamelde zich luuj in 't centrum. De pelissie góng mit häör 't gesprek aan, mae zie waore neet bereid te stoppe. Op de Stadhawwerslaan woort vuurwerk aafgestaoke en richting de pelissie gegoajd. Hiebie raakde nemes gewóndj. De groep waor róndj 21.00 oer gegreujd toet óngevjèr hónderd persoane, meld de pelissie zóndigmörge. Veur de veiligheid, 't aantal demonstrante en de luuj die nao de relle gónge kieke woort de ME ingesjakeld. Bie de kóms van de ME verplaatsde de groep zich en door de inzat van de pelissie verspreidde de groep zich in kleinder greupkes euver 't centrum.
Börgemeister Marion Leurs-Mordang is neet te spraeke euver de relle zaoterdigaovend in häör dörp. "Ich bin veural kwaod dat dit haet kènne gebäöre. V'r laeve in e vrie lèndj en edereine maag zeen meining laote hure, mae dit is neet de meneer."
De börgemeister wilt neet spraeke euver demonstrante taege de aovendjklok, die zoaterdig veur 't jèts gold es nuuj maotregel taege 't coronavirus. 'Dit zeen gewoan moodwillige relle, veroerzaak door vreigelaers.' Leurs-Mordang spruk van "'n pats in 't gezeech" van edereine dae zeen bes deit 't coronavirus te bestrieje.
De börgemeister verwach later antjwaord te kriege op vraoge euver de identiteit en achtergróndj van de relsjoppers. Ze haet op dit moment gein aanwiezinge dat zóndig opnuuj luuj de straot op gaon. "Mae v'r blieve de situatie same mit de pelissie good in de gate hawwe."
De pelissie haet es opdrach de aovendjklok te handjhave. "V'r kènne neet euveral zeen, mae dao woe v'r zeen, trejje v'r op. In Stein waor dat noadzakelik", meld de pelissie. Algemein commandant Bert Vermariën: "'t Is ónbegriepelik dat luuj óndanks de gezóndjheidscrisis en de maotregele die genaome zeen moodwillig samekómme en bewös perbere de situatie te laote escalere. V'r höbbe deveur gekaoze de situatie op 'n veilige meneer aaf te bouwe.
Zuug ouch bewirk
Brónne bewirk
Dit artikel besleit aad nuujs en maak deil oet van oos arsjief van nuujsberichte.