Äöpen houfmenu

Börgermeister Vinlo haop op breiere proof mit staotswiet

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 6 julie 2018 - De Vinloër börgermeister Antoin Sjolte haw gehaop det de proof mit legale staotswiet in mieë gemèndje zów waere gehaje.

De koalliesjepartieje gónge sfriedigs akkaord mit 'n experimènt in mieë gemèndjen es aanvenkelik waas aafgrspraoke. Zès toet tieën gemèndje gaon proven haje, wie ieëre geplendj, meh nans zès toet tieën gemèndje vörmen 'n kóntraolgroep.

"Ich vinj det get mager", reageertj Sjolte. "Ich haw toch gehaop op get mieë gemèndje veur e baeter en reprizzentatiever bild te kriege veur te kieken of de proof ech slaag."

De oetbreijing van 't aantaal aan proofgemèndje ligk politisch geveulig. De koalliesjepartners CDA en ChristenUnie vörchte zowiezoea det 't experimenteers geleielik aan de praktiek wuuertj. Zie vinje denouch det 't kabinèt flink mót investeren in 't verkómme van drugsbroek.

Recèntelik haw 'n kómmisje ónger leijing vannen hoeaglieërer André Knottnerus adviseerdj 't experimènt mit kemp dae door staot wuuertj gekwieëk in "aanzeenlik mieë" gemèndje te hajen es in 't regeerakkaord steit. 'ne Proof in hoeagoet tieën gemèndje zów te klein zeen veur e zat reprizzentatief óngerzeuk.

Vinlo wiltj gaer mitdoon ane proof. Same mit Haerlen en Mestreech is die gemèndje 'ne groeate veurvechter van 't plan. "'t Is hieël good dees Limbörgse plaatse mit te nummen inne proof dore grensligking", aldus Sjolte. Wienieë de proof ech aanvenkelik kan waeren is nag óndudelik. Ouch is nanneet bekandj welche gemèndjen oetèntelik mit gaon doon.

BrónBewirk