Bös- en treinsverkieër in Limbörg plat veur ónbestumdjen tied
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 19 junie 2018 - 't Bös- en treinsverveur in Limbörg geit vanaaf de kómmendje maondig plat veur ónbestumdjen tied.
Vakbóndj FNV kunjig 'n staking aan in 't streekverveur veur 't ganse landj. In Limbörg mèntj det det gein bössen en treins van Arriva zólle vare.
De staking begintj maondig en is veur ónbestumdjen tied, meldj de vakbóndj.
Al langen tied wuuertj gestreje veur 'ne nuje cao, meh de bespraekinge wille nanneet flótte. De sjefäörs willen ónger anger mieë pauzen en extra loean. Aldus häör is de wirkdrök te hoeag.
Aldusse bóndj is de verhelling vanne aksjes 't gevolg van ónwil bieje werkgaevers. Veur nammer inkel daag trögk woorte twieë bemiddelieërs aangestaldj veur oete impas te kómme. "Ze krege dus in eder val dees waekes d'n tied mit naam de werkgaevers te doon waege kónkrieëte en gooj aafspraoke te maken euvere wirkdrök enne loean", aldus FNV.
Werknummers in 't streekverveur staakdjen al mieëdere kieëre. Op 30 april en 1 mei hele zie 'n lenjelike staking. Daorop krege de aksjes regionaal e vervolg in estafètvorm.
De vakbunj eisjen ónger angere 'n loeansverhuueging van 3,5 percent, maotregele veure wirkdrök te minderen en eder twieëenhaaf oer 'n (plas)pauze. Werkgaeversorganisaasje VWOV zag ieëre toe de plaspauzes meugelik te make, meh daomit waas d'n angel nanneet oet 't kónflik.
De werkgaevers zeen euverrasj euvere aankunjiging vanne staking. "Bemiddelieërs zeen aan 't werk. V'r zeen oprech euverrasj en beraojen ós op vervolgstege", aldus 'n waordveurderin. Ieëre stapdje de verveursbedriever al nao de richter mit 'n poeaging stakinge taenge te haje.
Zuuch ouch bewirk
Brón bewirk
Dit artikel besleit aad nuujs en maak deil oet van oos arsjief van nuujsberichte.