BMW wiltj mieë perduksje nao Bor verplaatse bie helle Brexit
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 2 oktoeaber 2018 - De Duutsje modermaotsjappie vanne wageboewer BMW hèltj de meugelikheid aop in 't val van 'nen helle Brexit de perduksje van Mini's in Nederlandj op te sjroeve. Oppen autesjaw in Peries dae deesdig is begós leet Harald Krüger, 'nen toepman van BMW, det weite.
In Bor waere Mini's geboedj door BMW. Wiejer haet 't bedrief nag in Oxford in Ingelandj e febrik staon wo me ouch Mini's maak. Anen ènj van mieërt in 2019 wiltj 't Vereinig Keuninkriek de Europees Unie verlaote. De óngerhanjelingen euvere veurwaerd van deze zoea-geneumdje Brexit loupen aevel hieël meujzaam. De kans is groeat det 't Vereinig Keuninkriek oete uunje steeg sónger e nuuj hanjelsakkaord.
Krüger van BMW vindj det in zoea val van 'nen helle Brexit alle partieje verleerders zeen. BMW berèdj zich aevel veur oppen helle Brexit en sjatj de kansen op fieftig percent.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.