Baoksem, Halen en Grevórs zólle treinsstaasjes kriege
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 24 april 2019 - Oete planne vanne spaorwaegbehieërder ProRail bliek det de kómmendje jaore drie nuuj treinsstaasjes gaon kómmen in Limbörg, te sjrieven in Baoksem, in Halen en in Grevórs. Dees staasjes mót me vaerdig höbbe taenge 2028. De kóms van dees nuuj staasjes hingk sterk same mitte wins veur 't aantaal aan treinsreizendje te doon stiege. Hiebie geit me de al bestäöndje staasjes rinneveren en 't aopenbaar verveur toegenkeliker make door mieër opstapplaatsen aan te ligke. De nuuj staasjes waere daobie knouppuntje wo me samekump mitten trein, de bus enne fietsj.
Veural d'n aanlag vanne staasje Vinlo-Grevórs guldj es 'n verwónjere. Me wól aanvenkelik dem boewe dewiel me ouch de Maaslien góng lektrificere, meh doordet de köste daoveur te hoeag oetvele maakdje me 't besloet deze staasje te laote valle. d'n Aanlag vanne staasjes in Baoksem en Hale steit al langer oppe baan, went tösse Wieërt en Remunj is veur 25 kilomaeter lank gaar gein plaats wo me oppe trein kan instege.
Oppe planne steit ouch Mestreech-Naord ingeteikendj. Deze staasje besteit al saer 2013 meh stop allein oppe lien van Mestreech nao Haerle. Inne toekóms zal me dao perrons gaon aanlègke det me ouch dao kan oetstegen oppe lien van Mestreech euver Zitterd nao Remunj.
Gansbiejein zóllen in Nederlandj zoea dertig staasjes d'rbie kómme. Same mit 't opknappe vanne staasjes die al bestaon trèk me hieveur 3,5 miljard euro oet, waat geit waere betaaldj dore staot, de pervinsjes, de gemèndje enne lokaal verveurders.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.