Bestèlbus burtj volstenjig oet: sjaaj aan kloeaster
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 26 julie 2018 - De brandj dae sgoonsdigs snachs óntsting in 'n bestèlbus biejen houfingank vane laegstäöndj kloeaster in Zitterd is euvergeslage nao 't geboew.
't Buske sting get nao 03:30 oere in vollervlaam bie 't kloeaster det grens ane Aaj Mert en 't Kirkepaad.
't Kloeaster ane Cour Solanus haet sjaaj opgeloupe door 't vuur. d'n Autobrandj sloog euver op e reklaamsjildj det langs 't buske sting/ Daorop kiepdje 't sjildj óm op 't veurtuug. Daodoor woort de brandj nag grótter. Dae sloog daorop euver nao de hal en nao inkel ittaazje van 't kloeaster. De brandjwaer kós grótter sjaaj aan 't geboew verkómme.
d'n Ènsigste beweuner waat dao waas woort oppertied wakker en kós 't geboew veilig verlaote. Op det memènt bereikdje de vlamen al de rame van zien slaopkamer oppe ieëste ittaasj. De manskaerel kós boete nieks es aankieke wie zien bestèlbus volstenjig oetburdje.
d'n Oearzaak vanne brandj is nag ónbekandj.
't Kloeaster steit, op daen eine beweuner nao, laeg. De gemèndje Zitterd haet zien oug laote vallen op 't geboew es 't nuuj stadhoes. 't Kólleesj enne raod zówwe mótte waere gehoesvestig in 't monumentaal Kloeasterketeer.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.