Bieësterspeciaalzaak sluutj óm móndjkepke
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 29 dieëtsember 2020 - De bórgemeister van Vinraoj haet emaondig de bieësterspeciaalzaak DIER+ in Vinraoj geslaote veur 't neet naolaeve vanne coronatregels. Zoea droge de eigenieërse enne klantje gei móndjkepke, heel me neet zat aafstandj en kós me zich de henj dao neet wasse bie inkóms.
Al veure kersmis heel 't gesjef zich neet ane regels, wonao die 'n waring kreging. Maondigtemorge waas 'n kóntraol woroet bleek det nieks verangerd waas innen tössentied. Hieveur kós 't gesjef 'n boesse kriege toet 4350 euro, mer 't bleef bie e perses veur 't neet drage van 't móndjkepke, waat 95 euro is. Al ieëre haw 't gesjef te wete gebrach det zie wóllen oetsjeie; noe zeen zie dees veurtiejig geslaote.
Veur twieë waeke trögk waas 'nen hellen toesmeet ("harde lockdown") aafgerope door Mark Rutte. Toe zeen gesjefter, sjoealen en anger instèllinge, wie theaters en museë, toegemaak veur 'n wiejer toenaam van 't aantal aan nuuj besmèttinge mit corona taenge te haje. Ónger dezen toesmeet vallen aevel gèn gesjefter die es noeadzakelik gezeen waere, wie appetieëke, druuegisteriejen en supermerte. Ónger dees regeling vallen ouch gesjefter wie bieësterspeciaalzaken en slieterieje.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.