Boerderie Groeselt veur e deil ingevalle
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 2 junie 2021 - In Groeselt is 'n aaj boerderie veur e deil ingevallen ane Riekswaeg in Riekelt. Doordet die e gevaor vörmdje veure ómgaeving haw m'n ouch de straot aafgezatj en 't hoes daonaeven óntruump. Es ieëste kwaam de ziejgevel ómlieëg. Wie ómwonendje de herrie daovan huuerdje malje die det bie de brandjwaer.
De brandjwaer troch toe oet mit e deil wages en ouch kome mitwirkers vanne gemèndje oppe plaats. 'ne Boewman maakdje 't oordeil det de boerderie nag daezelvendjen aovendj veur e deil ingestoeate mós waere. Dorodet 't daak nao 't invalle vanne ziejgevel ouch ingevalle waas, óntstóng 'n min of mieë stebiel rwien. Daomit waas 't dringendj invalgevaor euver en kós me de straot trögk vrielaote.
'n Ajer getrouwdj stèl woort ieëren oppen aovendj oet 't hoes daonaeve gelèdj. Die weuning is ane boerderie vasgeboewdj gewore. Of 't stèl daorop trögk móch häör hoes in is neet bekandj. Róndj de randj van 't daak vanne veurgevel van 't hoesdeil vannen haof waas al ieëren e nèt gespanne veur te verkómme de stökker vanne stein oppe straot zówwe valle. De ingevalle boerderie steit al sieër 1970 laeg.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.