Brandj bie varffebriek AkzoNobel Hirkebósj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 21 november 2018 - 't Sjemikaliejebedrief AkzoNobel zie febriek ane Lispinwaeg oppe industriegrunj bie Hirkebósj is sgoonsdigs smörges getroffe door 'ne brandj. De brandjwaer haet vermaldj det hiebie gein gevieërlike stóffe vrie zeen kómme. De brandj braak róndj 6:50 oere oet in 'ne silo.
't Bedrief specialiseertj zich in varf, lak en anger specialistische sjemikalieje. Inne getroffe silo bevónj zich doezjendj kilo aan poejjerkónsentraot. Veur 'n stófómploeffing te verkómme mós de brandj mit intern spreujers die zich inne silo bevinje waere geblös. Róndj 9:20 oere waas de brandj ónger kóntraol, mer 't naoblösse geit nag 'ne langen tied doere.
De brandjwaer waas rasj te plaats en malj wiejer det geine verlets is gewore. Wie de brandj is óntstangen is nanneet bekandj.
Brónne
bewirk- Brand bij chemiebedrijf Herkenbosch, geen gevaarlijke stoffen. De Limburger, 21 november 2018
- Brand verffabriek AkzoNobel: geen gevaarlijke stoffen. Esther Raats - 1Limburg, 21 november 2018
Dit artikel besleit aad nuujs en maak deil oet van oos arsjief van nuujsberichte.