Brandj ligk laeg hoes in Häör inne asse
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 4 mieërt 2020 - In Häör is e laegstäöndj hoes inne brandj gevlaoge. Hiebie is 't gans verinneweerdj. De brandjwaer haet waal verkómme det de vlamen euversloge nao de naeveligkendje panjer.
De brandj waas in 'n aaj weuning ane Dörpstraot. Óm middernach krege ze bie de brandjwaer de meljing dao-euver. Aangezeen 't 'nen oetsläöndje brandj inne dörpskaen betróf mós de brandjwaer gaw opsjäölen en mit drie blöswages en 'nen hoeagwirker kome zie dao veure vlame te lief te gaon.
Oetèntjelik wós m'n 't vuur te bedwinge, mer 't pandj zelf kan es verlaore waere betrach. De laegstäöndje shoarmazaak daonaeve haet koem sjaaj opgeloupen en 't hoes ane linkse kantj zelfs gaar gein. In dit pandj zeen appartemènte veur luuj die begelèdj wone. Veur häör waas gein evakkewaasje nuuedig. Waat d'n oearzaak vanne brandj waas is nanneet bekandj en mót nag waeren óngerzoch.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.