Äöpen houfmenu

Britse netuurkóndige Stephen Hawking (76) gehieëmeldj

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 14 mieërt 2018 - De Britse netuurkóndige en kosmoloog Stephen Hawking (76) is sgoonsdigs gehieëmeldj in zien woonplaats Cambridge. Hawking waas naeven eine vanne grótste weitensjappers in zie veldj ouch 'ne begeisterdje vertèller dae miljoene wós te intersere veur ingewikkeldje netuurkóndige meterie.

Zien doead woort bekandj gemaak door zien kinjer, Lucy, Robert en Tim. "V'r zeen deep bedreuf det oze geleefdje pap dizdaags is gehieëmeldj. Hae waas 'ne groeate weitensjapper en 'nen oetzunjerlike miens, wae zie werk en zien naolieëtensjap väöl jaor nag zólle doorlaeve. Zien mood en doorzèttingsvermeugen en zien genialiteit en humor inspireerdje luuj euvere ganse werreld."

"Oeatj zag t'r: 't Zów neet väöl veurstèlle, det hieëlal, es 't neet 't heimid woor veur luuj die se leefhöbs."

Euver de oearzaak van 't hieëmele van Hawking is nannieks bekandj wore.

d'n In Oxford gebaoren astrofysicus leej ane neurlogische gekrenkdje ALS. Hae kós oetsloetendj mit 'ne spraokcomputer kómmuniceren en woog zich al tieëntaal aan jaore de rolstoon wiejer. De aandeuning woort vasgestaldj in 1963, doe d'r einentwintjig jaor aad waas. Dokters goven 'm toe hoeagoet twieë jaor.