Centrale Juudsje Raod: draag gei keppelke mieër in Duutsje stej
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 25 april 2018 - Josef Schuster, de veurzitter vanne Centrale Juudsje Raod in Duutsjlandj, haet in e radio-interview de Juden óntraojen in groeate Duutsje stej nag langer e keppelke te drage. De aanleijing is 'n incident aafgeloupe waek in Berlien, wobie 'nen Israëlische student dae e keppelke droog inein woort gehawwe door 'ne Syrische vlöchteling. Schuster sprèk van e maotsjappelik drejpuntj: "Es 't neet lök äöpelik antisemitisme te bestrieje, den is oetèntelik de dimmekrasie in gevaor".
Tródsdet antisemitisme nag ummer hieël geveulig ligk in Duutsjlandj dore Holocaus liek 't taboe d'rop de litsten tied get minder groeat te zeen gewaore. In Berlien is aldus 't óngerzeuksinstituut RIAS 't aantaal aan antisemitische incidente 't förgjaor verdóbbeldj t'n opzich van 2016. Aldus väöl luuj hingk 't toegenómme antisemitisme oppe Duutsje baom same mitte groeate toestruim van vlöchtelinge mit euverwaegendj 'nen Arabischen achtergróndj (innen Arabische werreld guldj Israël meistes es 'ne vieënjige staot) in 2015, meh det 't daoveur ouch al besting liedj geinen twievel.
Brónne bewirk
- Duitse Joodse Raad: draag op straat geen keppeltje. NOS Nieuws, 24 april 2018
- Antisemitisme: 'Draag geen keppel op straat'. Duitslandweb, 24 april 2018
- "Statt Kippa lieber eine Basecap". Tagesschau, 24 april 2018
Dit artikel besleit aad nuujs en maak deil oet van oos arsjief van nuujsberichte.