Coronahooster oet Grevórs veur veer waeken de petoet in
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 17 april 2020 - De manskaerel oet Grevórs dae saoterdis espres e vrouwmis in 't gezich haet gehoes mót veur veer waeke lang de bak is. Dit besloet veel door 't supersnelrech.
De manskaerel van einentwintjig jaor aad hoosdje saoterdis e vrouwmis oet 't dörp mieëder kieëren espres in 't gezich bieje supermert. Hievan dieëj 't slachoffer aangifte, worop de manskaerel smaondigs smorges opgepak. De jóng zów aldus de lokalen ómroop e lid zeen van 'n terroriserendje jeugklóch in Grevórs. Veur dees klóch woort in mieërt zelfs e treffen organiseerdj veure dörpsluuj veur infermaasje te verkriege.
De klóch is veural aktief róntjelómme lokaal supermert. Dapo spraeke ze luuj aan en haje ze zich neet ane coronamaotregele. Luuj die lestig waere gevalle mótte vanne pliesse zoväöl meugelik meljing make dao-euver.
In Limbörg is dit neet 't insigste veurval mit coronahoosters en -spiejers. Veural pliesse waere bespiedj in 't gezich; dees kómme noe in aanmirking veur 'n corona-óngerzeuk, mer allein es die coronarilleteerdje klachten höbbe.
Brónne bewirk
Dit artikel besleit aad nuujs en maak deil oet van oos arsjief van nuujsberichte.