Dimmenstrasie Sjterrebós beëindig: pelissie óntruump gebeed
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL.
't Aopebaar Ministerie, de pelissie en de gemeinte Zitterd-Gelaen höbbe opdrach gegaeve veur de bezètting inne Sjterrebós te beëndige.
Al zeker ein week goof 't aksieveurders in de Sjterrebós op 't terrein van autofabrikant VDL Nedcar in Bor. Zie probeerde de kap van de bós, veur 'n febrieksoetbreijing, te veurkómme.
In 'n persverklaoring luuet de gemeinte Zitterd-Gelaen 't volgende weite: "Nao 'n zörgvöljige veurbereijing, veure veiligheid van zoewaal aksieveurders es beveiligers, pelissieeminse en mitwèrkers van hölpdeenste, is de pelissie noe begós mit 't verwiedere vanne aksieveurders oete buim in de Sjterrebós en de populerebós. Saer innigen tied geuf 't diverse proteste taegen de kap van de Sjterrebós."
Op 28 jannewarie klómme aksieveurders in buim op de fabrikant zinne privégróndj. De fabrikant haet óm die raeje e verzeuk ingedeend zoedet de aksie weurt beëindig. Protestere maag, mer is verbaoje wienie me det deit op 't privéterrein taege de wil vannen eigenaer.
Huuj woorte de aktiviste dore pelissie oete buim gehaold, zoedet de bós kint weure gekap. De pelissie haet drie persoene aangehaje en einen aktivis mós per brankaar aafgeveurd weure.
Brónne
bewirk- Demonstratie Sterrebos beëindigd: politie ontruimt gebied. Timo Schmid - 1limburg, 8 fibberwarie 2022
- Video: Meerdere activisten aangehouden; één bezetter per brancard afgevoerd. Geertjan Claessens & Frans Dreissen - De Limburger, 8 fibberwarie 2022
Dit artikel besleit aad nuujs en maak deil oet van oos arsjief van nuujsberichte.