Doezjend buim daobie veur Haerle
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 16 dieëtsember 2020 - De kómmendje twieë jaor get Haerle ruum óngerhalf miljoen euro oettrèkke veur 't paote van nuuj buim, versprèdj euvere stad. Dees gaon kómme dao wo noe nag stein ligke veur 't miljeu-effek te vergruuete. Haerle wiltj hiemit vergreunen enne klimaatverangering inne stad inpirke.
Buim fóngere namelik juus wie 'nen airco en maken 't keulder wen 't werm is sónger innerzjie te verbroeke. Wiejer slaon die CO2 op, haje die water vas, beje die óngerdaak en bieëster en make die de lóch zuverder. Me geit offesjeel beginne mit 't paote vannen ieëste boum op 1 fibberwarie 2021; taengen 't inj van 2022 mótte de doezjend buim gepaotj zeen.
De beweuners vanne gemèndje moge mitzègke wo de buim prónt kómme, meh waal meis inne aopenbaar ruumdje. De buim die gepaotj gaon waere zólle groeate buim zeen en neet jóng, klein buimkes. Boete de doezjend ekstra buim zal de gemendje nammieë greun aanligken in 't centrum en oppe plaats bie sjoeale. Ouch zólle perkskes aangelag waeren en kónnen inwoonders mit subsiedje häör häöf, daker en moere vergreune.
Brónne bewirk
Dit artikel besleit aad nuujs en maak deil oet van oos arsjief van nuujsberichte.