Drieëntwintjig doeadgebleve door gaaslaek in mien Sjina

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 7 dieëtsember 2020 - Bie e gaaslaek inne Diawsjoejdong-kaolemien kortbieje Sjinese stadspervinsje Tsjoengtsjieng zeen friedis mit 't lèste besjeid drieëntwintjig luuj doeadgebleve, naodet m'n ieëre achtieën störfgevalle gemaldj haw. De slachoffers zeen allemaol bezweken aan kaolendampvergiftiging. Ómme gans kome bie de laekaasj veerentwintjig mienwirkers vas te zitte wovan mer eine geredj kós waere.

't Gaaslaek óntstóng wie de mienwirkers besjeftig wore mit 't oetereinhaole van óngergrunjse mienboewapperatuur. De koel waas de lèste twieë maondj toe. Waat d'n oearzaak van 't laek is blief veurnoe nag óndudelik.

't Is 't twieëdje zwaor óngelök in 'n Sjinese koel in betrèkkelik korten tied. Lès september komen in 'n anger mien bie Tsjoengtsjieng nag zèstieën mienwirkers óm door 'ne brandj. Sjinese kaolemiene staon d'róm bekandj det die de gevieërlikste zeen vanne ganse werreld, meis door slechte veiligheidsmaotregele, óngepasdje oetrösting, mankaasjen en toezich en vrunjpolletiek.

Brónne bewirk



Dit artikel besleit aad nuujs en maak deil oet van oos arsjief van nuujsberichte.