Drie jaor de bak in door oete handj geloupe seks
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 23 jannewarie 2019 - E zèsentwintjigjäörig vrouwmis oet Landjgraaf krieg drie jaor gevangenisstraof veur 'ne pot seks mit ziene vrundj in Kirkraoj dae oete handj is geloupe; ei jaor daovan is veurwaerdelik.
Anen ènj van september 't veurig jaor hawwe de twieë 'ne gezelligen aovendj dae oetleep op seks. Hiebie hawwe de bei kemp en cocaïne gebroek, in kómbinaasje mit shotjes tekieja. 't Al góng verkieërd róndj 03:00 oere doe de vrundj zich oppen aanrèk haw gelag. Ónverhöds kwaam de vrindin aan mit e vleismets womit zie inne vrundj ziene book staak. Hiebie leep dae 'n staekwónj op van ach centimaeter; get waat t'r ane randj haet euverlaef.
't Aopenbaar Ministerie haw vief jaor geisj. De richter bestumdje det spraok waas van doeadslaag, went 't slechoffer waas liefelik óngerlag van 't vrouwmis, die zelf good haw kónne zeen det de steek fataal hej kónnen aafloupe, tróds 't broeke van verduivendje middele.
d'n Advekaot daotaenge kaltj van 'n óngelök. Dore persuuenlike ómstenjigheje vanne kwetsbaar vrouw is de straof oetèntelik verlieëg wore. Waal mót zie nag 'n sjaajvergeujing betale van 15.000 anen ex-vrundj.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.