Drie luuj aangehaje veur 't höbbe van drugs en verbaoje waopes
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 22 mieërt 2021 - Dit waekinj zeen drie luuj aangehajen inne ómgaeving van Vinlo veur 't hanjelen in drugs en 't bezit van waopes. Hiebie haet m'n ouch verdouvendje middelen en kóntant geldj in beslaag genómme.
M'n haw twieë luuj evriedig trappeerd oppe straot wie zie drugs ane man perbeerdje te sliete. Zowaal de kuiper es de verkuiper woorte dore pliesse kónterleerd. De verkuiper waas 'nen einenvieftigjäörige manskaerel oet Blieërik dae drek aangehaje woort. Dae bleek nag e deil verdouvendje middele bie zich te höbbe. De kuiper daotaenge waas 'nen einendertigjäörige manskaerel oet Pruses, dae in ziene wage kónterleerd woort. Boete de verdouvendje middelen haw d'r onnag e gaasdrökpistoeal inne wage ligke.
d'n Derdje miens dae aangehaje geworen is waas 'ne neugentieënjäörige manskaerel oet Blieërik. Deze woort ezaoterdig trappeerd. De pliesse leten 'm ziene wagen ane kantj zitte achterdet t'r opveel door ziene riejstiel. Ane kantj perbeerdje de bieveurder flot get eweg te staeken inne zök, meh de pliesse zoge det. Dao-op volgdje 'n kóntraol woroet bleek det t'r zowaal hard- en sofdrugs bie zich haw. Boetedet haw d'r nag väöl kóntant geldj bie zich.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.