Driehóngerd autobenj de Maas in gekiepperd

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 22 mei 2020 - 'n Hóngerdtaal aan benj zeen inne Grensmaas naordelik van Mestreech de netuur in gestortj. Wienieë dit próntj is gebeurd en waem 't gedaon haet is neet bekandj. De strouming van 't water haet e deil benj mitgespeuldj wodoor die óngerwiel euver e groeat gebied vanne wintjerbèdding tösse Haren en Ittere ligke.

De plaatsing vanne benj guuef aan det die dao neet zoea zeen aangespeuldj, mer op die plaats gestortj zeen. De groeate wieväölheid guuef aan det m'n hie mit 'ne vrachwagen is gekómme veure benj te storte, went die passe neet allemaol op 'nen aanhenger. Dinkelik is det net get te naorde vanne stoew gebeurd, went dao löp e petónne paad nao de Maas.

De autobenj woorte veur twieë waeke trögk gevónjen en waere noe nag opgeruump door vriewilligers. 't Aafveure vanne benj geit mit hulp van Riekswaterstaot. 't Handjmaesig eweghaole vanne benj is väöl werk, went de lèste hoeagwatergolf haet die gevöldj mit zandj en staon, wodoor die loeadzwaor zeen gewore.

BrónneBewirk



Dit artikel besleit aad nuujs.