Duutsje minister kèntj dóbbelspaor Vinlo-Veerze good
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 7 november 2018 - d'n Duutsje minister van verkieër, Andreas Scheuer, haet goodgekandj det 'n spaorverdóbbeling kump tösse Vinlo en Veerze. De minister haet d'n aafgeloupen deesdig planne prizzenteerdj veur drie groeate spaorperjèkten in Duutsjlandj. Ei van dees plannen is 'n baeter verbinjing tösse Vinlo enne Duutsje plaats Veerze (Viersen).
Aldus d'n Ómroop Vinlo is 't gemèndj wore det in 2025 'nen intercity euver 't inkel spaor veurtj. Noe zitte reizigers twieë oer innen trein. Bie 'n intercityverbinjing hove reizigers 25 menuut minder lang innen trein te zitte. Bieje spaorverdóbbeling wuuertj de reistied nans tieën menuut korter.
Aldusse Pervinsje Limbörg is de verdóbbeling van 't spaor noeadwenjig veur 'n snelder intercityverbinjing Den Haag - Rotterdam - Intjhaove - Duusseldörp via Vinlo en Veerze te realisere. Ouch 't geujerverveur kan daovan profiteren en 't wuuertj aantrèkkeliker d'n trein te nummen inplaats d'n autowage.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.