Duutsje regeringskrizis aafgekierd, Merkel en Seehofer bereike migratieakkaord
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
.jpg)
3 juli 2018 - In Duutsjlandj waas 't de lètste waek politiek erg ónröstig, mer de regeringskrizis die op henj leek is noe toch aafgekierd gewaore. Bóndjskanzeleer Angela Merkel en de Duutsje minister van Binnelandjse Zake, Horst Seehofer, zeen 't nao oere euverlègke in 't Konrad-Adenauer-Haus èns gewaore euver d'n aanpak van zoegeheite sikkendaer migratie. Bie de Duutsj-Oesteriekse grens in Beiere zólle speciaal opvangcentra waere ingerich, wodet migrante die nao Duutsjlandj zeen gekómme die al in 'nen angere EU-lidsjtaot asiel höbbe gekrege hun oetzètting moge aafwachte (dit lètste op gróndj van de Dublin-conventie).
De CSU van Seehofer en de CDU van Merkel (same de Union), kóste 't waekelang neet èns waere euver de vraog wiedet mit dit saort aan migrante mót waere ómgegange. De CSU kwaam mit 't idee óm de Duutsje zuudgrens veur bepaolde migrante te sjloete, mer hie veulde Merkel absoluut nieks veur. 't Kabbenèt-Merkel IV dreigde hiedoor te waere opgeblaoze. Seehofer booj gister zelfs al zien óntsjlaag aan. De kwestie mót nag waal waere besjpraoke mit de angere coalitiepartner, SPD. Dae haet tót noe toe neet gereageerd.
De aafgeloupe waek höbbe veerteen EU-lidsjtaote toegezag vlöchtelinge versjneld te zólle tröknumme.
Brónne bewirk
- Regeringscrisis afgewend: Seehofer en Merkel bereiken migratieakkoord. NOS Nieuws, 2 juli 2018
- Afgrijzen in Duitse politiek om asielruzie CDU/CSU. NOS Nieuws, 2 juli 2018
- Merkel krijgt toezeggingen over terugnemen migranten, CSU bindt in. NOS Nieuws, 30 juni 2018
Dit artikel besleit aad nuujs en maak deil oet van oos arsjief van nuujsberichte.