Ebola bereik noe ouch miljoenesjtad in Congo
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
17 mei 2018 - 't Ebola-virus haet zich in Congo oetgebreid nao de groete sjtad Mbandaka. Dit is 'n havesjtad aan de Congo-reveer, woe väöl sjeepvaartverkier is, en woe ouch de huidsjtad - Kinsjasa - aan lik. Tót veurhaen bleef de ebola-oetbraak in Congo bepèrk tót geïsoleerde gebeje mit weinig inwoeners. Volges de Waereldgezóndjheidsorganisatie (WGO) sjteit 't aantal besjmettinge tót noe toe op 44. 't Aantal persoene det in kóntak is gewaes mit luuj die zeen besjmet mit ebola zal róndj de 500 ligke. Dees luuj waere in de gate gehauwte. Op 't plattelandj is 't virus waal baeter ónger controle te hauwte es in 'n groete sjtad. Det kump doordet in groete sjtaej mier minse woene, en dus ouch 't besjmettingsgevaor groeter weurt.
De WGO haet 4.000 experimenteel vaccins taege 't virus versjeep gewaore nao Congo. Dit vaccin waerde ouch al veer jaor geleje toegepas in Wes-Afrika, toen dao 't virus hoesheel, en mier as 10.000 sjlachoffers haet geëisj. 't Probleem van dit vaccin is det 't mót waere bewaard bie -80 °C. Congo is e tropisch landj, en de elektriciteitstoeveur is neet al te betroewbaar. Hiedoor kinne väöl vaccins verlaore gaon, zónger det ze toepassing vènje bie de luuj die ze neudig höbbe.
Brónne
bewirk- Ebola bereikt grote stad in Congo. NOS Nieuws, 17 mei 2018
- Ebola bereikt miljoenenstad in Congo. De Standaard, 17 mei 2018
- Ebola-uitbraak in Congo: WHO bereidt zich voor op 'ergste scenario'. Trui Engels - Knack, 17 mei 2018
Dit artikel besleit aad nuujs en maak deil oet van oos arsjief van nuujsberichte.