Eigenieër vergètj hóndj bie kefeebezeuk

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 24 november 2018 - De baas van 'nen hóndj oet Neejwieërt zaat in 'ne kefee. Wie lenger d'r dao beer bleef drinke, wie lenger d'n hóndj boeten inne kaaj haet mótte staon. d'n Hóndj waas zoea vasgebónjen aan 'ne luchtepaol bieje kefee De Sjans en haw gein kuues es inne nach van vriedig op zaoterdig te blieve wachte toetdet d'n eigenieër nao boete koom veur dem op heim aan te wanjele.

Mitte nach bleek det 't kefeebezeuk zolang góng doere det luuj inne ómgaeving zich begósten aaf te vraoge waem zienen hóndj det dao veur oere lang zaach-fjoenkendj inne kaaj vaszoot ane luchtepaol. Oetèntjelik góng 'ne manskaerel oet Neejwieërt naovraog doon bieje kefee binne. Inderdaod bleek dao eine manskaerel te zitte dae juus get te lang waas blieve plekke wie d'r e rundjen óm leep mit ziene veerveuter.

Wie d'r 't bezej kreeg det t'r zienen troewe kiellef ramvergaete waas góng de baas oet mitte stert tösse de bein, eweg oete kefee. Same mit zienen hóndj góng d'r rasj trögk heives wo d'r d'n hóndj snel inne werm manj haet gelaote ligke.

Brónne bewirk



Dit artikel besleit aad nuujs en maak deil oet van oos arsjief van nuujsberichte.