Eisj van celstraof veur duveloetdrieving jungske Vinlo
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 20 fibberwarie 2019 - Faorse celstraof haet 't Aopenbaar Ministerie geisj veure mishanjeling van e neugejäörig junske van Vinlo. 't Jungske waas aldusse moder bezatj van 'nen djinn, 'nen duvelse geis oet 't islamitisch geluif. Same mit e bevrundj echpaar oet Marokko haet de mam daen duvel perberen oet te drieve door wattestaefkes inne oeare van 't jungske te duje. Dit dieëj me zolang door det de jóng begós te bloje, wodoor d'r blievendje huuersjaaj haet opgeloupe. Ouch mós t'r zien henj in 'ne wermen aoven haje.
d'n Offeseer van Zjustiesje haet tiejes de zitting vief jaor cel geisj taenge de moder; de twieë vrunj vanne moder bie waem in 't hoes de oetdrieving plaatshaw mótte vief en veer jaor cel kriege. De advekaote vanne verdachdje daotaenge zègke det gein spraok is van mishanjeling, ómdet 't e geluifsritueel waas. De verklaoringe vanne jóng trèkke zie in twievel. 't Jungske zelf is intössen 't hoes oet geplaats gewaore.
Veur zowied me noe wètj waas dees de ieëste duveloetdrievingsrechszaak in Nederlandj. De oetspraok völg op 20 mieërt.
Brónne bewirk
- Celstraffen geëist voor duiveluitdrijving bij kind (9). Frank Moonen - 1limburg, 20 fibberwarie 2019
Dit artikel besleit aad nuujs en maak deil oet van oos arsjief van nuujsberichte.