Escalatie gewèldj Israel: teentalle luuj doedgebleve
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
-Aerial-Temple_Mount-(south_exposure).jpg)
- Dit artikel sjteit gesjreve in 't AGL.
't Gewèldj in Jeruzalem en inne Gazasjtrook escaleert. Dagelank proteste van Palestiene in Jeruzalem taege de oetzetting van gezinne in 'n boetewiek vanne Israelische en Palestiense huidsjtad zeen oetgeloupe op zikker 400 Palestiense raketbesjetinge en 150 Israelische lóchaanvalle.
Israel luuet weite det 't drie leje vanne Hamasbewaeging haet doedgemaak. Volges Hamas is eine commandant óm 't laeve gekómme. In totaal woorte zeen daartig luuj doedgebleve tiedes 't conflik: twie Israelische vrouwluuj inne badplaats Asjkelon en 28 Palestiene in 't noorde vanne Gazasjtrook.
Hamas zaet det de raketaanvalle 'n reaksie vörme op Israelische 'agressie' tiedes de ónrös inne Al-Aqsamoskee van aafgeloupe vriedig. Volges minister-presidentj Benjamin Netanyahu haet de terreurbewaeging daomit 'de roede lien' euversjreje, woedoor zien landj 'kreftig zal antwoorde'.
Inne internationaal gemeinsjap weurt veural veróntrös gereageerd en opgerope tot de-escalatie vanne situatie.
Brónne
bewirk- Dozens killed as Israel-Gaza violence escalates. BBC, 11 mei 2021
- Hoe een huisuitzetting in Jeruzalem tot nieuwe confrontaties leidt. NOS, 9 mei 2021
Dit artikel besleit aad nuujs en maak deil oet van oos arsjief van nuujsberichte.