Euverlas door jóngere in Tilburgs zjwumbad tiedes vering Halloween
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
8 november 2018 - In Stappegoor, e zjwumbad in Tilburg, is zaoterdigaovend 'n halloweenfies det waas bedoeld veur kènjer vanaaf ach jaor in de sóp geloupe doordet circa 40 jóngere veur väöl euverlas zörgde. Zie diejde bieveurbild kènjer ónger water. Ein roet van 't zjwumbad waerde ingegoejd. Geruchte gaon róndj det daobie ouch nag driej of veer maedjes waerde ingesjlaote en aangerandj, meh det is neet bevestig gewaore door 't zjwumbad of door de gemeinde.
Volges väöl bezeukers hóng al vanaaf 't begin van d'n aovend 'nen óngemekkelike sjfeer dao door de prezèns van de rebelerende jóngere. Oetèntelik waerde 't fies veurtiejig aafgekap. Door 't evenemènt wore extra personeel en zjwumbaadmeisters dao, meh die höbbe dus neet kónne veurkómme det 't fout ging.
Wiejer zeen gein details bekènd euver de achtergrunj van de däöjers, behauve det 't euver jóngere geit. Marjolein van Tiggelen, de veurzitster van de Nasjenale Raod veur Zjwumveiligheid, haet gesjók gereageerd. D'n Tilburgse gemeinderaod haet veur de kómmende maondig e spoojdebat gepland nao aanleijing van dit vraogsjtök.
Brónne
bewirk- Spoeddebat Tilburg over uit de hand gelopen halloweenfeest in zwembad. NOS Nieuws, 7 november 2018
- 'Badmeesters hadden handen vol aan halloweenfeest Tilburg'. NOS Nieuws, 7 november 2018
- Manuela was met haar kinderen bij rampfeest in Tilburgs zwembad: 'Meisje werd in kruis gegrepen'. Tobias van der Valk - Omroep Brabant, 7 november 2018
Dit artikel besleit aad nuujs en maak deil oet van oos arsjief van nuujsberichte.