Exitpoll: prizzedent Zelensky wint verkezinge Oekraïne ruum
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Heële - 21 julie 2019 - De nui politieke partei van d'r in april gekoaze prizzedent Zelensky weëd waarsjienlig wiedoet de groeëtste in de Verchovna Rade, 't parlement van Oekraïne. Bei de verkezinge hat de partei Sluha Narodu (Bedeende van 't Volk) volges exitpolls 44 procent van de sjtumme gekreëge.
't Pro-Roessische oppositieplatform hat volges d'r exitpoll 11,5 procent gehold. In totaal doge 22 parteie mit aan de verkezinge, oeëvan vief d'r keesdurpel va 5 procent hant gehold. De koamende nach weëde de ieësjte officieel rizzeltate verwach.
Zelensky sjreef de verkezinge oet kót noadat heë tot prizzedent woar gekoaze, weil heë nog neet verteëgewoadig woar in 't parlement. Heë zit ieësj seër kót in de politiek: ieëder woar heë komiker en toneelsjpieëler.
Mit de vuursjpelde oetsjlaag mót heë waal óp zeuk noa 'ne coalitiepartner. Persbureau Reuters meld dat Zelensky i gesjprek wilt goa mit de pro-westesje Sjtum-partei van d'r rockmoeziker Svjatoslav Vakartsjoek.
Brónne bewirk
Dit artikel besleit aad nuujs en maak deil oet van oos arsjief van nuujsberichte.