Exootvogel broenkopdieksnavelmös brèdj zich flot oet róndj Wieërt
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 21 dieëtsember 2020 - In en róndj 't Wieërter kirkdörp Zwartbrook is d'n exootvogel de broenkopdieksnavelmös zich flot 'nt verspreie. De zangvogel kump van oearsprónk oet Sjina en Zuudoeas-Róslandj. Allewiel haet 't ol zoea vieftieën brujjendje paar bie 't kirkdörp. Dees paar zeen 't naogeslach van veugel die óntrónne zeen oet 'n koeaj en zitten al dao sieëre jaore neugetig. Al daen tied zeen die aevel neet opgevallen en wós m'n onneet prónt welche dieksnavelmös 't prónt waas.
De bestaetiging det 't broenkopdieksnavelmösse dao wore koom in 2012. De vogel wètj zich good verstaoke te hajen en veural waargenómmen op gróndj van häöre klank: e parelendj fluitje. De bieësterbevölking is veur 'nen tiedlang stabiel gebleve, meh de lèste jaore grujtj die. De verwachting is det wen dit aanhèltj zie zich gaon oetbreien in Nederlandj, meh zón veurspèlling blief lestig.
'ne Vogeldeskóndige zaet det strang wintjers slech kónnen oetkómme veure broenkopdieksnavelmös, mer allewiel kómme die bao nimmieë veur. Wiejer kan 't zeen det 'n breer van óngesjikdje woongróndj inne waeg zitj. De saort steit namelik d'róm bekandj det zie neet zoea good zeen mit vlege.
Boete de broenkopdieksnavelmös kómmen hieël väöl anger exote veur in Nederlandj die ummertoe mieë gróndj winne. Zoea haet de Japanse nachtegaal zich al in 't landj gevestig. 't Aantal exote zal de kómmendje jaore blieve wasse.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.