Faorse toenaam aantaal autobrenj in Limbörg
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 5 jannewarie 2019 - 't Aafgeloupe jaor goof 't in Limbörg mieër autobrenj es 't jaor daoveur; 't betruf 'n toenaam van ei derdje: van 373 meljingen in 2017 nao 494 in 2018. Me haet hiebie raekening gehaje mit dóbbel meljinge, loeas meljinge, brandj door óngelökken en wages die oppe snelwaeg inne brandj vloge.
Wiedoet de meiste meljinge, zoea 10%, kómmen oet Mestreech, wo 't veurig jaor meh 36 meljinge woorte gedaon. Haerle is daomit vanne ónieërvol ieëste plaats aafgestoeate; dao is 't aantaal aan meljinge namelik gedaaldj van 51 nao 38. Anger plaatse mit mieër es tieën meljinge zeen (in aafloupendje volgrie) Vinlo, Zitterd, Remunj, Landjgraaf, Broenssem, Gelaen, Wieërt, Kirakraoj en Gebrook (Hoensbrook).
't Bild in Limbörg kump euverein mit det vanne res van Nederlandj; in vriewaal alle pervinsjes, oetgezunjerdj Flevolandj, is 'ne greuj te zeen; lenjelik van zoea kwaart. Mit zoeaget 500 meljinge steit Limbörg geliek mit Utrech oppe viefdje plaats inne ranglies.
Brónne bewirk
Dit artikel besleit aad nuujs en maak deil oet van oos arsjief van nuujsberichte.