Fletbeweuners Rolduckerveldj make zich zörg euver sloeap en oetbetaling
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 7 november 2019 - Inne Kirkräödsje wiek Rolduckerveldj staon e deil flets anen Hertogelaan enne Zónstraot die mótte waere gesloeap. De hóngerd luuj waat dao nag wone make zich zörg euvere vergeujing die zie kriegen oetbetaaldj wen häör eigendóm wuuert ónteigendj. Zie sproken häör zörg sgoonsdigs saoves oet bie e biejeinkómme vanne weuningsstifting Wonen Zuid, wobie de sloeapplanne woorten oetgelag ane beweuners.
De beweuners vurchte det zie väöl verluus gaon liejen oppen oetkoup. De vol waerd vanne appartemènte kan beveurbeildj neet waeren oetgekieërdj wen Wonen Zuid minder geit beje. De beweuners haope denouch det de gemèndjen enne weuningsstifting häör tegemoot gaon kómme zodet neet ruum hóngerd gezinnen in financieel perblieëme gaon kómme. De beweuners höbbe waal aangegaeve begreep te höbbe veure sloeap vanne appartemènte.
De fletgeboewen ane Zónstraot waere wersjienlik euver e jaor of vieftieën pas gesloeap. De twieë fletgeboewen ane Hertogelaan zeen drek ane beurt en geit m'n al euver e paar jaor sloeape. Gans biejein geit de sloeap zoea 110 miljoen euro kómme.
Brónne bewirk
Dit artikel besleit aad nuujs en maak deil oet van oos arsjief van nuujsberichte.