Fletgeboew in Indiase stad Mahaad vèltj inein

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

MOFERT - 26 augustus 2020 - In Mahaad, 'n industriestad inne Wès-Indiase deilstaot Maharasjtra, is maondigtenaovendj e fletgeboew van vief etaasj hoeag inein gevalle. Daobie zeen bie 't lèste besjeid zèstieën luuj doeadgebleven en e good deil luuj verlets wore; nao d'n inval wore nag tieëntaal aan anger luuj nag vermis. Me kós achensevetig luuj redde mit 'n drieëndertig oer doerendje reddingsoperaasje. Eine vanne plaatselike wètgaeving haet gezag det wie de ramp zich voltroch nag zoea hóngerd toet hóngerdviefentwintjig luuj in 't geboew dao wore. 't Geboew talj ómme gans zevenenvieërtig appartemènte; vanne vief etaasj zeen drie nao ónger gekómme.

Waat de raejen is det 't geboew inein gevallen is is nag ónbekandj, mer 't inèns inein valle van geboewer is e väöl-veurkómmendj versjiensel in India. De oearzaak daovan ligk döks bieje boew, doordet me te flot boewtj en boewveursjrifter neet naolaef. Daonaeve kómme dees veurvel väöl veur in 't moessonsezoen, det van junie toet september löp. In dezen tied höbbe väöl euverstruiminge dao plaats. De boewer, d'n arsjitek ennen aannummer van 't fletgeboew waere verantjwuuerdelik gehaje veur 't ineinvalle van 't fletgeboew.

Brónne

Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
- Zeker vijf doden na instorten flatgebouw India. NOS Nieuws, 25 augustus 2020
- India Building Collapse Leaves Scores Trapped in Debris. New York Times, 24 augustus 2020

Dit artikel besleit aad nuujs en maak deil oet van oos arsjief van nuujsberichte.