Gèn treins nao Pruses door staking
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 23 augustus 2021 - Oppernuuj höbbe Limbörgse treinsreizendje las van 'n staking vanne treinsmasjeniste van Pruses. Door die staking vare namelik gèn treins van Haerle nao Ake. Dao-inplaats waere bösse van Arriva ingezatj oppe lien. De staking is vanne Pruse spaorvakbóndj veurbedach te ware toet zeker deesdigtenaovendj. Tösse Vindelen en Viersen woorten al bössen ingezatj dore geplendje wirkzaamheje dao.
De staking van 't Pruus iezerbaanpersenieël woort ezaoterdig ingezatj bie 't vrachverveur, worop ouch 't passenzjeerverveur volgdje. Toet goonsdig zólle de reizendje daovan las höbbe. De masjeniste staken óm zie willen 'nen hogere loean en e baeter pensjoen. Wiejer wille zie 'ne premie van zèshóngerd euro veur 't wirke gedoerendje de coronacrisis.
Recèntelik hawwe de Pruse masjenisten ol 't werk daoneer gelag. Det waas 'n staking op 11 en 12 augustes, die ouch 't internasjenaal treinsverkieër raakdje. Dinkelik tröf de nuuj staking miljoenen aan reizendje, worónger väöl verkansiereizendje. In e deil bónjslenjer zeen nag ummer de sjoealverkansies ane gang.
Brónne bewirk
Dit artikel besleit aad nuujs en maak deil oet van oos arsjief van nuujsberichte.