Gaaswolk kump vrie bie DSM door lekkaasj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 21 september 2020 - Bie Chemelot, de ieëre DSM, zeen hölpdeenste mótten oettrèkke veur 'n lekkaasj. Róndj 9:30 oere is 'n wolk hexaan vriegekómme; dees stóf is lichtelik óntvlambaar. Me wós 't laek nao 'n ruum oer toe te make, wodoor noe gènnen damp mieë vriekump.
Door 't óngelök haet m'n 't treinsverkieër tösse Baek-Aelse en Zitterd plat mótte ligke. Ouch haw m'n oet veurzörg de snelwaeg A2 en A76 oppe huuegdje van DSM veur 'ne korten tied aafgeslaote. 't Spaor enne snelwaeg kós me róndj 10:30 trögk vriegaeve.
M'n haet in en róndj de bedriefsgróndj gemaete wie wied de wolk zich versprèdj haet. Hie-oet waas gebleke det 't gaas neet boete de hègke van 't trein zeen gekómme. Wie de lekkaasj waas stóng de windj oet 't naordoeaste.
Geinen is verlets gewore bie 't óngelök.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.