Geluidsnaome Solar Festival terech aangesjerp
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 8 augustus 2018 - De rechbank haet in 2017 terech bepaoldj det de regele rónjelóm geluidseuverlas veur 't Solar Festival in Remunj móste waeren aangesjerp.
Det oeardeiltj d'n hoogste bestuursrichter van 't landj. Aldusse Raod van Staote maakdje de rechbank destieds op ei puntj 'n fout bie 't toepasse vanne regels. Bie anger wichtige puntje woorte de regele waal tegooj toegepas. 't Besloet vanne rechbank hoof daoveur neet d'n drekbak in.
Ómwonendje vanne festivalsgrunj ane Maasplasse klagen al veur jaoren euver geluidseuverlas. Nao 't verlieëne vanne vergónning vanne ediesje van 2015 steegdje zie nao de richter. 't Doerdje oetèntelik toet 2017 veurdet 'n oetspraok volgdje. Ómdet alle partiejen in hoger beroop gónge haet de Raod van Staote noe pas 't finaaloeardeil gegaove.
Nao de oetspraok vanne richter mós de gemèndje de eisje veure vergónning aansjerpe. In 2017 en 2018 gólje daoveur stranger geluidsregele veur 't festival. Tiejes de ediesje van 't veurig waekènj woorten ouch speciaaldeuk verhange tösse de festivalskemping enne hoezer vanne klaegers. Dees móste geluidseuverlas trögkdringe.
't Veurig jaor kreeg de organisaasje inkel boettes door 't euvertraeje vanne geluidsnaome. Bie ieëre ediesjes woorten ouch al boettes opgelag.
"Dees oetspraok zal mótte waere mitgenómme bie 't aafgaeve vanne vergónning veur kómmendje ediesjes", lègk 'ne waordveurder vanne Raod van Staote oet. "'t Is op veurhandj neet te zègken ofdet de regele noe stranger gaon waere. Väöl dinger spelen 'n rol, wie welche optraejes zeen geplendj gewaoren en wie de podia waeren opgezatj."
Mit dees oetspraok vanne Raod van Staoten is 't zjuridisch gevech tössen 't populair festival enne ómwonendje nanneet t'n ènj gekómme. Taenge de verlieëndje vergónning vanne ediesje van 2017 woort door ómwonendjen owweer 'n zaak aangespanne. De kwaoj buurtbeweuners vinje namelik det de gemèndje de oetspraok vanne richter neet zat haw mitgenómmen inne vergónning.
Brónne
bewirk
Dit artikel besleit aad nuujs en maak deil oet van oos arsjief van nuujsberichte.